Connect with us
Advertisement
Advertisement

Cymraeg

Chwech yn brwydro dros Ysgoloriaeth Bryn Terfel 2016

Published

on

‘Ewch amdani, dyma eich cyfle i ddisgleirio!’: Bryn Terfel

‘Ewch amdani, dyma eich cyfle i ddisgleirio!’: Bryn Terfel

AR NOS SUL, Hydref 16 bydd chwech o dalentau perfformio mwyaf dawnus Cymru yn cystadlu am wobr o £4,000 a’r teitl anrhydeddus, ‘Enillydd Ysgoloriaeth Urdd Gobaith Cymru Bryn Terfel 2016’.

Bydd yr holl gyffro a’r perfformiadau o Theatr y Stiwt, Rhosllannerchrugog i’w gweld yn fyw ar S4C yng nghwmni Trystan Ellis-Morris ac fe noddir y wobr eleni gan Brifysgol y Drindod Dewi Sant.

Nod y wobr a sefydlwyd ym 1999 yw meithrin talent rhai o berfformwyr ifanc gorau Cymru.

“Rydw i’n falch iawn o weld yr Ysgoloriaeth yn mynd o nerth i nerth, a gweld safon uchel o dalent perfformio unwaith eto eleni,” meddai Bryn Terfel mewn neges o anogaeth i gystadleuwyr eleni.

“Gwnewch yn siŵr eich bod fel cystadleuwyr yn gwrando ar gyngor yr arbenigwyr ond gan gadw stamp personol ac unigryw ar berfformiad, a’ch bod yn gyfforddus ar y llwyfan perfformio. Cofiwch hefyd geisio cadw rheolaeth ar y nerfau, gan eu troi yn fantais yn hytrach nag yn anfantais. Ac yn bwysicach na dim, cofiwch fwynhau perfformio a rhoi eich gorau. Ewch amdani, dyma eich cyfle i ddisgleirio!”

Y chwech sy’n cystadlu eleni yw Jâms Coleman o Landegfan, Ynys Môn; Steffan Hughes o Ddinbych; Rhydian Jenkins o Faesteg; Bethan Elin o Fryngwran, Ynys Môn; Lleucu Parri o Gaerdydd a Meilir Jones o Langefni, Ynys Môn.

Dechreuodd eu taith wedi iddynt gael eu dewis gan banel o feirniaid, oedd yn gorfod dethol y chwe unigolyn mwyaf addawol o blith holl gystadlaethau unigol y categorïau dan 25 oed ar lwyfan Eisteddfod Genedlaethol yr Urdd, Sir y Fflint eleni.

Y panel fydd yn cael y dasg anodd o ddewis yr enillydd ar y noson yw Ann Atkinson, Owain Llwyd, Gwennan Gibbard, Meinir Siencyn ac Ann Fychan.

Yn ogystal â chael eu dewis i fod yn rhan o’r gystadleuaeth, mae’r chwech yn derbyn dosbarthiadau meistr gan berfformwyr amlwg gan gynnwys y gantores Siân James, y ddawnswraig Cerian Phillips a’r pianydd Iwan Llewelyn Jones.

Ymysg cyn-enillwyr yr Ysgoloriaeth mae’r actores Mirain Haf, y soprano Fflur Wyn, yr actor Aled Pedrick a’r feiolinydd Rakhi Sing.

Ysgoloriaeth Urdd Gobaith Cymru Bryn Terfel 2016 Nos Sul 16 Hydref 7.00, Isdeitlau Saesneg.

Continue Reading
Click to comment

Leave a Reply

Your email address will not be published.

Cymraeg

Pleser o’r Mwyaf

Published

on

DEWCH i’r Man a’r Lle yn Aberteifi i wrando ar wyth o fawrion y genedl yn cyflwyno pum peth sydd yn datgelu rhywbeth am eu hanes eu hunain, boed hynny ar ffurf hoff gerddi a darnau o ryddiaith neu wrthrychau sydd ag arwyddocâd personol.

Byddwn yn cwrdd yn fisol (heblaw Rhagfyr) rhwng Hydref a Mehefin i godi arian tuag at Eisteddfod Genedlaethol Ceredigion.

Cynhelir y cyfarfod cyntaf ar ddydd Sadwrn, 19 Hydref am 11yb tan 12.30yp yng nghwmni’r Prifardd Idris Reynolds.

Tocynnau wrth y drws £5. Te, coffi a chacen £1.

Am fwy o wybodaeth cysylltwch â Natalie Morgan (ebost: njm84@outlook.com), Helen Thomas (helenteifi@outlook.com) neu Richard Vale (riv1@aber.ac.uk).

Fe fydd y cyfarfodydd hyn yn addas i ddysgwyr profiadol, a byddwn yn paratoi taflenni geirfa i chi.

Dewch yn llu i gefnogi’r Brifwyl trwy joio mas draw!

Continue Reading

Cymraeg

Gall Cymru gael ei phweru gan ynni morol

Published

on

GALL Cymru fod yn wlad sy’n cael ei phweru gan ynni’r môr, mae Lesley Griffiths yn addo.

Mae gan ynni’r môr y potensial i fod wrth wraidd cynlluniau uchelgeisiol i Gymru fod yn wlad sy’n cael ei phweru gan ffynonellau ynni adnewyddadwy, yn ôl Gweinidog yr Amgylchedd, Ynni a Materion Gwledig, Lesley Griffiths.

Pan oedd hi’n siarad yn y Gynhadledd ar Ynni’r Môr yn Nulyn ar Dydd Llun (30 Medi), gwnaeth y Gweinidog amlinellu’r llwyddiannau mae busnesau wedi’u cael wrth alluogi ynni’r môr yn ystod y flwyddyn diwethaf, a’r buddsoddiadau yn y gadwyn gyflenwi sy’n caniatáu i hyn ddigwydd.

Rydyn ni’n cydnabod bod y sector yn ifanc iawn, felly rydyn ni wedi buddsoddi mewn deg prosiect sy’n gysylltiedig ag ynni’r môr er mwyn adeiladau capasiti ac arbenigedd yng Nghymru, meddai hi.

Cytunwyd ar dros €71 miliwn o gyllid Ewropeaidd, a fydd yn arwain at fuddsoddiadau gwerth dros €117 miliwn yng Nghymru.

Mae’r busnesau sydd wedi elwa’n cynnwys:

• Ledwood Engineering, Mainstay Marine, MarineSpace a busnesau a leolir yn Sir Benfro yng Ngorllewin Cymru. Mae’r busnesau hyn i gyd wedi manteisio ar y buddsoddiadau gwerth miliynau o bunnoedd, sydd wedi bod o fudd i’w harbenigedd technegol presennol o fewn y sector ynni a sector ynni’r môr.

• Mae Minesto wedi cwblhau prosiect i alluogi’r gwaith o gyflwyno eu technoleg ffrwd lanw Deep Green yn fasnachol yn Holyhead Deep, oddi ar arfordir gorllewinol Ynys Môn. Roedd y prosiect yn cynnwys dylunio, gosod a phrofi dyfais 500 cilowat. Mae cam nesaf y prosiect wedi derbyn €14.9 miliwn ychwanegol, a bydd yn ategu’r gwaith o ddylunio safle 80 megawat oddi ar arfordir Ynys Môn, ochr wrth ochr â dylunio dyfais maint llawn o un megawat o leiaf.

• Gwnaeth y datblygwyr ynni’r tonnau Marine Power Systems, a leolir yn Abertawe, gwblhau eu blwyddyn o dreialon a phrofion morol yn llwyddiannus yr haf hwn, ac mae eu prototeip chwarter maint, WaveSub, wedi cyrraedd ei gerrig milltir critigol. Hefyd dyfarnwyd €13 miliwn iddynt i ddylunio a chynhyrchu dyfais fwy.

Bydd Fframwaith Morol cyntaf Cymru a Fframwaith Datblygu Cenedlaethol newydd hefyd yn rhoi polisi cynllunio strategol ar gyfer defnyddio adnoddau naturiol mewn modd cynaliadwy ar y tir ac oddi arno.

Dywedodd Lesley Griffiths, Gweinidog yr Amgylchedd, Ynni a Materion Gwledig: “Rydyn ni’n benderfynol y bydd ynni’r môr yn rhan allweddol o’n cynlluniau i Gymru fod yn wlad sy’n cael ei phweru gan ffynonellau ynni adnewyddadwy. Mae cyllid gan yr Uned Ewropeaidd wedi bod yn hanfodol wrth gefnogi hyn.

“Rydyn ni wedi gosod targedau uchelgeisiol wrth inni geisio creu Cymru wyrddach lle mae adnoddau’n cael eu rheoli nid yn unig ar gyfer heddiw, ond er budd cenedlaethau’r dyfodol.

“Eleni rydyn ni wedi derbyn cyngor Pwyllgor y DU ar y Newid yn yr Hinsawdd i wneud ein targedau datgarboneiddio yng Nghymru yn fwy uchelgeisiol, wedi cyflwyno deddfwriaeth i fabwysiadu targed o 95% ar gyfer lleihau allyriadau nwyon tŷ gwydr y flwyddyn nesaf, ac rydyn ni’n archwilio sut gallwn ni osod targed o sero yn y dyfodol.

“Mae ynni’r môr a gwynt alltraeth yn rhan hanfodol o’r targedau hyn, wrth inni geisio harneisio ein hadnoddau naturiol i sicrhau manteision tymor hir ar gyfer pawb yng Nghymru.”

Gwnaeth y gweinidog hefyd annog Llywodraeth y DU i fuddsoddi mewn ynni’r môr ac ynni adnewyddadwy yng Nghymru.

Continue Reading

Cymraeg

Mwynhewch wledd o hwyl y Pasg ym Mharc Cenedlaethol

Published

on

OS YDYCH chi’n chwilio am rywle newydd i’w ddarganfod neu eisiau hwyl i’r teulu cyfan yn ystod gwyliau’r Pasg, mae Parc Cenedlaethol Arfordir Penfro yn addo cynnig amrywiaeth eang o weithgareddau yn ystod Blwyddyn Darganfod.

Bydd holl fwrlwm y Pasg yn aros amdanoch yng Nghastell a Melin Heli Caeriw, Pentref Oes Haearn Castell Henllys ac Oriel a Chanolfan Ymwelwyr Oriel y Parc, a bydd amrywiaeth o brofiadau eraill i’w mwynhau yn nhirwedd y Parc Cenedlaethol.

Bydd Pentref Oes Haearn Castell Henllys yn rhoi cyfle i chi Brofi’r Oes Haearn ar 25 a 27 Ebrill, i brofi sut oedd bywyd 2,000 o flynyddoedd yn ôl. Codir tâl bychan am weithgareddau yn ogystal â’r pris mynediad arferol.

Bydd Diwrnodau Hwyl y Pasg ar 19, 20 a 21 Ebrill yn rhoi cyfle i chi ddarganfod sgil newydd neu ddilyn Helfa’r Pasg. Codir tâl bychan am weithgareddau yn ogystal â’r pris mynediad arferol.

Am fanylion llawn gan gynnwys yr holl ddigwyddiadau, prisiau mynediad ac amseroedd agor, ewch i www.castellhenllys.com neu ffoniwch 01239 891319.

Yng Nghastell a Melin Heli Caeriw, gallwch ymuno â Helfa’r Gwningen Basg o 13-28 Ebrill, sy’n golygu neidio o gwmpas y Castell yn chwilio am gliwiau. Dewch o hyd i’r holl gliwiau i hawlio gwobr flasus. £1 y plentyn yn ogystal â’r pris mynediad arferol.

I’r rheini sydd am roi cynnig ar rywbeth newydd, bydd Rhoi Tro ar: Y Cwrwgl ar 21, 22 a 23 Ebrill yn gyfle i chi roi cynnig ar y cwch traddodiadol un person ar Bwll Melin Caeriw, yn dilyn hyfforddiant arbenigol. Pris mynediad arferol yn ogystal â £5 am sesiwn 15 munud neu £10 am sesiwn 30 munud. Mae’n syniad da i gadw lle ymlaen llaw.

Am fanylion llawn gan gynnwys yr holl ddigwyddiadau, prisiau mynediad ac amserau agor ewch i www.carewcastle.com neu ffoniwch 01646 651782.

Yn Oriel a Chanolfan Ymwelwyr Oriel y Parc, gallwch herio Helfa Drysor y Pasg i 21 Ebrill er mwyn dod o hyd i’r cliwiau sydd wedi’u cuddio o amgylch y Ganolfan a’r tir gerllaw gyda’r nod o ddatgelu’r ateb cudd i ennill gwobr. £2 y ddalen.

Bydd y gweithdy Darganfod Celf ar 23 Ebrill yn annog plant i fod yn greadigol a chynhyrchu campwaith i fynd adref gyda nhw, ar ôl archwilio’r oriel i ddod o hyd i ysbrydoliaeth. £3 y plentyn.

Am fanylion llawn, gan gynnwys yr holl ddigwyddiadau, prisiau ac amseroedd agor, ewch i www.orielyparc.co.uk neu ffoniwch 01437 720392.

I’r rheini sydd â diddordeb mewn daeareg a hanes, bydd taith dywys Darllen y Dirwedd: Taith drwy Amser o gwmpas Penmaen Dewi ar 24 Ebrill yn datgelu cyfoeth o nodweddion hanesyddol a naturiol. Bydd y llwybr pum milltir yn pasio drwy dystiolaeth o fywyd y cyfnod Neolithig, yr Oes Haearn a’r Oesoedd Canol a bydd yn costio £4 y person.
I gadw lle ar y digwyddiadau hyn, ffoniwch 01437 720392.

I weld manylion yr holl weithgareddau a’r digwyddiadau sy’n cael eu cynnal gan Awdurdod y Parc Cenedlaethol ewch i www.arfordirpenfro.cymru/digwyddiadau neu fel arall casglwch gopi o Coast to Coast.

Continue Reading
News3 days ago

Crabb slams Barclays Post Office cash opt-out

PRESELI MP Stephen Crabb has criticised Barclays Bank’s ‘short-sighted’ decision not to allow its customers to withdraw cash from Post...

News5 days ago

Work set to begin on multi-million pound redevelopment at Llys-y-Frân Reservoir

WELSH Water is set to begin work on the highly anticipated redevelopment of Llys-y-Frân visitor attraction and recreation park, following...

News1 week ago

Pembroke: Yet another demonstration planned for Ashdale Lane over sex offender

PROTESTERS are promising another demonstration in Ashdale Lane, in Pembroke tonight (Sun, Oct 6). It will mark the fourth night...

News1 week ago

Community order for Pembroke Dock man who downloaded 6570 child abuse images

A 46-YEAR-OLD man who downloaded over 6,500 indecent images of children, has narrowly missed going to jail. Brett Johnson on...

News2 weeks ago

Rescued Falcon released back into the wild

THE oil-covered peregrine falcon rescued in August from Tenby was released back into the wild on Wednesday (Oct 2). At...

News2 weeks ago

Milford Haven: Hundreds gather to remember firefighter Josh

MILFORD HAVEN came to a standstill on Tuesday (Oct 1) as hundreds gathered to pay their respects to popular firefighter...

News2 weeks ago

Man accused of fathering six children with his daughter

A FATHER from south west Wales has gone on trial accused of raping his daughter 23 times and having six...

News2 weeks ago

Thomas Cook air hostess speaks to The Herald about her journey

WITH grounded flights and cancelled holidays, it’s been a stressful time since the collapse of Thomas Cook on Monday (Sept...

News2 weeks ago

Llanfyrnach: Community wind turbine was more than a decade in the making

AFTER a long and bumpy journey, a community group from North Pembrokeshire are finally about to install a 700kW wind...

News2 weeks ago

Father and daughter return to St Davids RNLI to thank rescuers

A FATHER and daughter who were rescued by St Davids RNLI volunteers earlier this month are returning to Pembrokeshire next...

Popular This Week