Connect with us
Advertisement
Advertisement

Cymraeg

Ymunwch ag ymchwiliad y Cynulliad i radio yng Nghymru

Published

on

Bethan Jenkins: Rydym am wybod pa mor dda y mae radio yng Nghymru yn gwasanaethu ei gynulleidfaoedd

MAE ymchwiliad newydd ar y gweill yn edrych ar y sector radio yng Nghymru ac i ba raddau y mae’n diwallu anghenion ei gynulleidfaoedd.

Bydd Pwyllgor Diwylliant, y Gymraeg a Chyfathrebu’r Cynulliad Cenedlaethol yn edrych ar y strwythur perchenogaeth yng Nghymru, effaith bosibl dadreoleiddio radio masnachol ar gynulleidfaoedd, ac effaith technoleg newydd ar gynnwys.

Mae cyfran uwch o bobl yng Nghymru yn gwrando ar y radio nag yn y DU yn gyffredinol. Mae gwasanaethau radio yn cyrraedd mwy na 90 y cant o’r boblogaeth, y cyrhaeddiad uchaf o unrhyw wlad yn y DU.

“Mae radio yn rhan bwysig o sut mae pobl yng Nghymru yn cael gafael ar newyddion a gwybodaeth,” meddai Bethan Jenkins AC, Cadeirydd y Pwyllgor Diwylliant, y Gymraeg a Chyfathrebu.

“I rai, efallai mai dyma’r unig ffynhonnell wybodaeth sydd ganddynt, gan nad oes digon o ddarpariaeth symudol a band eang mewn rhai ardaloedd gwledig.

“Rydym am wybod pa mor dda y mae radio yng Nghymru yn gwasanaethu ei gynulleidfaoedd, a sut y gallai’r diwydiant edrych yn y dyfodol ar ôl cael ei ddadreoleiddio a chyda dyfodiad technoleg newydd.”

Cylch gorchwyl llawn yr ymchwiliad yw:

  • I ba raddau y mae gwasanaethau radio BBC Cymru Wales, gwasanaethau radio masnachol a gwasanaethau radio cymunedol yn diwallu anghenion cynulleidfaoedd yng Nghymru;
  • ffaith bosibl dadreoleiddio radio masnachol ar gynulleidfaoedd yng Nghymru;
  • Strwythurau perchnogaeth radio masnachol a’u heffaith ar gynnwys lleol;
  • Effaith technoleg newydd ar gynnwys lleol;
  • Cynaliadwyedd ariannol gwasanaethau radio cymunedol yng Nghymru, ac
  • Addasrwydd seilwaith darlledu radio yng Nghymru.

Dylai unrhyw un sydd am gyfrannu at yr ymchwiliad ddarllen tudalennau gwe’r Pwyllgor i gael rhagor o wybodaeth – www.cynulliad.cymru/SeneddDGCh.
Dyddiad cau’r ymgynghoriad cyhoeddus yw 16 Chwefror 2018.

Cymraeg

Datblygu dyfodol ar gyfer doniau Cymru

Published

on

Hijras: galeidosgopaidd i mewn i fywydau dirgel a chreulon cymuned drawsryweddol

MAE’R garfan ddiweddaraf hon ar lyfrau Ffilm Cymru Wales yn dangos sbectrwm eang o storïau gan leisiau amrywiol; mae pob un o’r prosiectau yn cynnwys menyw yn brif gymeriad neu’n gyd-brif gymeriad, a chydag o leiaf un fenyw yn y tîm creadigol craidd; mae bron i hanner yn cynnwys doniau BAME a/neu LGBTQ yn rôl yr awdur, y cyfarwyddwr neu’r cynhyrchydd, yn ogystal â chynrychiolaeth ar y sgrin; ac mae 40% o’r prosiectau yn yr iaith Gymraeg.

Wrth gyflwyno’r dyfarniadau datblygu newydd hyn, meddai Kimberley Warner, Pennaeth Busnes Creadigol Ffilm Cymru Wales, “Mae Ffilm Cymru Wales yn falch i fedru denu rhai o’r doniau mwyaf cyffrous a gwreiddiol ym myd creu ffilm yng Nghymru. Gwelsom gynnydd o 300% yn nifer y prosiectau datblygu sy’n bwrw ymlaen i gael eu cynhyrchu dros y tair blynedd diwethaf, ac mae llawer o’r diolch am hynny i’n system Magnifier sy’n cefnogi doniau, yn ogystal â’n hymrwymiad i ddiwylliant ffilm cynhwysol.”

Lluniwyd dull Magnifier Ffilm Cymru Wales i helpu’r cyfranogwyr i nodi ac adeiladu eu cynulleidfaoedd a’u ffrydiau refeniw gan gychwyn ar gamau datblygu cynharaf y prosiect, a’u hannog i fanteisio’n llawn ar eu syniadau.

HIJRA

Dyma naid liwgar, galeidosgopaidd i mewn i fywydau dirgel a chreulon cymuned drawsryweddol hynaf y byd. Mae’r Hijra yn Delhi ar fin ailddiffinio eu hunaniaeth wrth i gyfreithiau newydd ac ymgyrchydd penderfynol ddechrau creu cynnwrf. Yn y prosiect hwn, mae’r cyfarwyddwr Indiaidd-Gymreig, Ila Mehrotra Jenkins, a’r cynhyrchydd Andrew Smith yn symud i fyd ffilmiau dogfen hir, wedi iddynt fod yn cydweithio ar lawer o ymchwiliadau a rhaglenni dogfen oriau brig o ansawdd uchel ar gyfer BBC4, Channel 4, ITV a Vice News.

HOW BLACK MOTHERS SAY I LOVE YOU

Yn seiliedig ar ddrama lwyfan lwyddiannus Trey Anthony, mae’r ddrama ddeifiol hon yn dilyn hanes gweithwraig gymdeithasol lesbiaidd ddu sy’n dychwelyd i’w t enedigol i ddod i delerau â’i mam sydd ar ei gwely angau. Mae’r wneuthurwraig ffilm Gymreig-Ganadaidd, Carys Lewis, ar waith ag addasu’r sgript i’r sgrin ar y cyd â Trey Anthony, a Clement Virgo (Greenleaf, The Wire) fydd yn cyfarwyddo. How Black Mothers Say I Love You fydd ffilm hir gyntaf Carys Lewis, yn dilyn ei ffilmiau byr, Stuffed ac Afiach a gefnogwyd gan Ffilm Cymru Wales a RHWYDWAITH BFI. Mae Lewis hefyd yn un o gydsylfaenwyr cydweithfa SHIFFT Female Filmmakers, ac yn ddiweddar fe’i penodwyd yn Wneuthurwraig Ffilm Breswyl gyntaf Opera Cenedlaethol Cymru.

THE PROMISEM

Yn dilyn ei ffilm hir gyntaf ysgytwol, The Passing / Yr Ymadawiad, mae cyfarwyddwr Y Gwyll / Hinterland yn cyflwyno’r ffilm arswyd gyfnod seicolegol hon. Mewn cymuned arunig yng nghanolbarth Cymru ym 1890, caiff merch ifanc, Mari, ei hystyried yn hwren wedi iddi ddod i gyswllt ag ysgolfeistr gwadd. Wrth i’r gymuned droi’n greulon yn erbyn Mari, dyma hi’n troi ar y Diafol i’w helpu i dalu’r pwyth. Mae’r cynhyrchydd Ed Talfan a’r cyfarwyddwr Gareth Bryn yn gweithio gyda’r awduron Caryl Lewis a Mark Andrew; yn ddiweddar, bu’r tîm yn cydweithio ar gyfres ddrama 8 rhan Severn Screen, Craith / Hidden. Cyd-grëwyd y gyfres gan Mark Andrew ac Ed Talfan a chaiff ei darlledu gan y BBC yn nes ymlaen eleni.

RHIANNON

Y modd yr aeth awdurdod pwerus, di-hid, ati i foddi Tryweryn yw’r cyd-destun ehangach i’r prosiect hwn, wrth i un ddynes wynebu torcalon personol a phenodol iawn yng nghanol y distryw. Stori Gymraeg o golled a bregusrwydd yw Rhiannon, sy’n cael ei hysgrifennu gan Manon Eames, a hithau wedi derbyn clod y beirniaid am ei nofel a’i drama lwyfan, Porth y Byddar. Bethan Eames (Eldra, Cwcw) fydd yn cynhyrchu, a bydd Roger Williams (Bang) yn Gynhyrchydd Gweithredol.

TREMBLE

Dyma ffilm gyffro ddwyieithog yn seiliedig ar hanes gwir Henry Tremble, bwtler yn Sir Gaerfyrddin a gynllwyniodd i lofruddio ei gyflogwr a’i deulu un diwrnod ym 1876. Dyma ffilm hir gyntaf yr awdur-gyfarwyddwr o Gymru, Tracy Spottiswoode, ac mae hefyd yn archwilio cyfleoedd i gyfuno theatr byw a ffilm gan ddefnyddio technoleg ymdrochol. Caiff Tremble ei chynhyrchu gan Kathy Speirs, Moon Dogs.

Continue Reading

Cymraeg

Canrif o wasanaeth i bedwar aelod o staff Awdurdod y Parc Cenedlaethol

Published

on

O’r chwith i’r dde : Geoff Severn; Sarah Hirst; Gwyneth Hayward, Cadeirydd Awdurdod y Parc; Dyfan Evans; Yvonne Jones a Tegryn Jones, Prif Weithredwr Awdurdod y Parc.

Y​N​ ddiweddar, cafodd pedwar aelod o staff Awdurdod Parc Cenedlaethol Arfordir Penfro blaciau arbennig bob un i ddathlu chwarter canrif o wasanaeth i’r sefydliad.

Rhyngddynt, mae Dyfan Evans, Sarah Hirst, Yvonne Jones a Geoff Severn, wedi treulio dros 100 mlynedd yn gweithio i’r Awdurdod, a chyflwynwyd y gwobrau am wasanaeth hir iddynt ar ddiwedd 2017.

Dywedodd Gwyneth Hayward, Cadeirydd Awdurdod y Parc Cenedlaethol: “Mae cael cyfle i gydnabod aelodau o staff am 25 mlynedd o wasanaeth yn brin, felly mae gallu llongyfarch pedwar ar yr un pryd yn eithaf anhygoel.

“Mae’r Awdurdod yn ffodus o gael aelodau o staff mor ymroddgar ac rwyf mor falch fy mod wedi gallu cydnabod ymrwymiad y pedwar unigolyn yma, sy’n dod â phrofiad mor werthfawr i’w swyddi.”

Mae Geoff a Dyfan yn gweithio gyda Thîm Wardeiniaid y Gogledd, mae Yvonne yn rhan o’r Tîm Cyllid, ac mae Sarah yn aelod o Dîm Cyfeiriad y Parc.

Continue Reading

Cymraeg

Profiad dirdynnol i Donna Isaacs a’r teulu

Published

on

Shelley Rees: Chwarae Donna Isaacs

MAE Nicky wedi cael llond bol ar yr agweddau cul a’r bwlian homoffobaidd gan rai o ddisgyblion Ysgol Porth y Glo ac mae Aled yn ceisio ail-gydio yn ei fywyd wrth i ni ymuno â chriw’r gyfres ddrama Gwaith Cartref, nos Iau, 15 Chwefror ar S4C.

Mae ysgrifenyddes yr ysgol, Donna, yn ymweld â’i gŵr Colin yn yr ysbyty ac yn gorfod derbyn nad yw e’n mynd i wella dros nos. Cawsom ni sgwrs â Shelley Rees, yr actores o Don Pentre yn y Rhondda, sy’n chwarae Donna Isaacs.

Mae pethau yn anodd iawn i Donna, Colin a’r teulu. Pryd wnaeth Colin ddechrau dangos arwyddion ei fod e’n dioddef o iselder?

Erbyn diwedd y gyfres ddiwethaf roedd Colin yn dechrau dangos arwyddion bod rhywbeth yn bod. Pethau bach oedd i ddechrau – fel Colin yn mynd i’r siop i brynu bara a ddim yn dychwelyd; neu bacio i fynd ar wyliau, ond doedd dim gwyliau wedi’u trefnu. Roedd Donna wedi ceisio ei berswadio i fynd at y meddyg achos doedd hi ddim yn gwybod sut i ddelio â’r sefyllfa. Mae Colin wedi bod yn dawel iawn drwy’r holl beth ac wedi datgysylltu ei hun o bobl eraill.

Sut mae Donna yn ymateb i’r sefyllfa?

Mae hi mewn sioc am yr holl beth a dweud y gwir ac yn gobeithio ei bod hi’n gallu sortio’r sefyllfa. Ar y dechrau, mae hi’n ei ffeindio hi’n anodd cytuno bod Colin angen triniaeth ond mae hi hefyd yn deall bod angen i’r tîm meddygol wneud popeth posib i’w wella. Er bod Donna yn gymeriad cryf, mae hyn yn ergyd enfawr iddi.

Ydy’r ysgol yn gefnogol ac a fydd pwynt yn dod lle mae Donna eisiau rhoi i fyny?

Mae Donna mor broffesiynol dyw hi ddim yn trafod y sefyllfa yn y gwaith. Er bod y staff yn garedig, mae hi wedi colli Colin, ei ffrind gorau. Mae hi’n torri ei chalon ond yn trio gwneud y gorau o’r sefyllfa. Mae hi wir yn gweld eisiau Colin gan fod y ddau wastad wedi bod yn gefn i’w gilydd. Yn ystod y gyfres, mae pob math o broblemau yn codi gyda’r plant ac mae Donna o dan bwysau aruthrol. Roedd y stori am iselder yn gyfle i weld ochr fregus iawn unigolyn sydd fel arfer yn gallu ymdopi gydag unrhywbeth.

Fel actores, sut brofiad yw chwarae’r cymeriad?

Dwi wrth fy modd! Mae hi’n fywiog, yn chwareus, siaradus, yn gyfeillgar ac yn gefn i bawb. Fel cyn ddisgybl Ysgol Porth y Glo, mae hi’n deall cefndiroedd y disgyblion ac yn gefnogol iawn o’r brifathrawes, Dr Murphy. Dwi wedi bod mor lwcus i gael straeon difyr ymhob cyfres o Gwaith Cartref ac mae cael chwarae cymeriad Donna yn yr ysgol a gartref gyda’r teulu yn ddiddorol iawn.

Continue Reading
News2 hours ago

Pembroke: Attacker who laughed while raping his victim jailed

A LAUGHING rapist from Pembroke who urinated on his victim has been jailed for 12 years. Michael McNamara, aged 32,...

News6 hours ago

Welsh Secretary emphasises importance of City Deal to Pembrokeshire’s future

WELSH SECRETARY Alun Cairns has visited some of Pembrokeshire’s leading marine renewable tech firms to underline his support for the...

News1 day ago

Haverfordwest: Over £3000 raised for family of assault victim

AN APPEAL has been set up to cover travel and accommodation costs of a family whose son is in hospital...

News1 day ago

Man denies sexually assaulting 17-year-old three times

A HAVERFORDWEST man is to stand trial accused of sexually assaulting a 17-year-old girl three times on the same day. Riaz...

News1 day ago

Pembroke Dock: Man caught by ‘paedophile hunters’ jailed for 28 months

A PEMBROKE DOCK man trapped by paedophile hunters has been jailed for 28 months. Simon Fleet, aged 43, had turned...

News2 days ago

Welsh restaurant in NYC, owned by Milford Haven brothers, to close

A RESTAURANT in America, which is owned by two brothers from Milford Haven, and proudly serves Welsh food, is to...

News2 days ago

Council looking to save £1m with closure of facilities

PEMBROKESHIRE COUNTY COUNCIL may close and demolish some facilities in an attempt to save upwards of £1m it has been...

News3 days ago

4.4 magnitude earthquake felt across Wales

AN earthquake of 4.4 magnitude has been felt across Wales and England this afternoon (Feb 17). There are numerous reports...

News4 days ago

Haverfordwest: Man who died in collision with lorry named

A 43-YEAR-OLD man has died following a collision between two vehicles on one of the busiest roads in Haverfordwest yesterday...

News4 days ago

Man jailed after failing to pay £208k fine for illegal scrap yard

A MAN has been jailed after failing to pay a fine of £208,000 for running an illegal scrap metal business...

Popular This Week