Connect with us
Advertisement
Advertisement

Cymraeg

Un o denoriaid Cymru ar y llethr sgïo er budd elusen

Published

on

welsh11MAE ATYNIADAU Parc Gwledig Pen-bre wedi chwarae rhan arbennig yn Her Cylchdaith Cymru a arweinir gan Rhys Meirion, y tenor rhyngwladol enwog.

Bu’r canwr opera o Gymru a’i dîm, gan gynnwys y digrifwr Tudur Owen, yn teithio ar Segway, yn llithro i lawr y llethr sgïo sych 300 metr o hyd ar ringo, yn neidio ar y tobogan ac yn mynd ar gefn beic i gynyddu ymwybyddiaeth ynghylch rhoi organau.

Treuliodd Rhys a’r tîm y prynhawn yn y parc yn rhan o ddigwyddiad sy’n para wythnos lle byddant yn teithio o amgylch y wlad gan ddefnyddio cynifer o ddulliau teithio â phosib. Mae’r canwr hefyd yn lledaenu’r neges am elusen a lansiwyd er cof am ei ddiweddar chwaer ac sy’n ceisio cefnogi pobl sydd angen organau yng Nghymru a’r teuluoedd yng Nghymru sydd wedi colli anwyliaid oedd wedi rhoi eu horganau.

Ar ddiwedd y prynhawn cawsant eu cludo mewn cerbyd 4×4 ar hyd Llwybr Arfordirol y Mileniwm cyn symud ymlaen i Borthcawl.

Cyrchfan terfynol y grŵp oedd â’r Eisteddfod Ryngwladol yn Llangollen

Dywedodd y Cynghorydd Meryl Gravell, yr Aelod o’r Bwrdd Gweithredol dros Wasanaethau Hamdden Cyngor Sir Caerfyrddin: “Cafodd y grŵp amser gwych yn y parc a buon nhw’n defnyddio rhai o’n dulliau teithio unigryw. Hwn oedd y tro cyntaf iddyn nhw ddefnyddio Segway a’r Ringos a chawsant lawer o hwyl wrth gynyddu ymwybyddiaeth ynghylch achos pwysig. Roeddem ni wrth ein boddau o gael chwarae rhan fach er mwyn eu helpu i gyflawni hynny.”

Hyd yn hyn mae’r tîm wedi teithio drwy’r awyr, dros y dŵr, drwy’r mynyddoedd ac ar y ffyrdd er budd elusen a lansiwyd yn sgil marwolaeth ei chwaer ac sy’n cefnogi pobl sydd angen organau, a’r teuluoedd yng Nghymru sydd wedi colli anwyliaid oedd wedi rhoi eu horganau.

Dywedodd Rhys Meirion, un o denoriaid Cymru: “Rydym ni wedi cael ymateb gwych gan bawb hyd yn hyn ac mae wedi bod yn eithaf syfrdanol ac yn gadarnhaol iawn.”

O 1 Rhagfyr bydd y ffordd yr ydym yn dewis bod yn rhoddwyr organau yng Nghymru yn newid. Bydd Deddf Trawsblannu Dynol (Cymru) 2013 yn cyflwyno system feddal o optio allan o ran cydsynio i’ch organau a’ch meinweoedd gael eu rhoi pan fyddwch yn marw. Mae hyn yn cael ei alw’n “gysyniad tybiedig” hefyd.

Bydd y gyfraith yn golygu os ydych o blaid rhoi eich organau ond nad ydych am ba reswm bynnag wedi cofrestru i roi organau, y caiff ei gymryd yn ganiataol eich bod wedi cydsynio i fod yn rhoddwr organau. Os nad ydych am fod yn rhoddwr, am y tro cyntaf byddwch yn gallu cofnodi penderfyniad i wneud hynny’n glir.

Continue Reading
Click to comment

Leave a Reply

Your email address will not be published.

Cymraeg

Effaith trist aflonyddu ar forloi a rhai bach ar arfordir Cymru

Published

on

Gyda mwy o bobl nag erioed yn ymweld â’r parth arfordirol yma yng Nghymru, mae
aflonyddu ar fywyd gwyllt ar gynnydd. Yn ddiweddar, cawsom newyddion trist fod morlo
bach wedi marw ar ôl i’w fam beidio â dychwelyd i’w fwydo yn dilyn achos o aflonyddu a
dychryn gan bobl oedd eisiau tynnu lluniau a ‘selfies’ gyda’r morlo bach.


Yn ystod y tymor magu (rhwng Awst a Rhagfyr) mae’n bosib dewch ar draws morloi bach
gwyn ar draethau neu ar greigiau ar arfordir Cymru – yn aml ar ben eu hunain. Serch hynny
maen debygol bydd y fam ger llaw, felly mae’n hanfodol cadw draw er mwyn iddi allu
ddychwelyd i fwydo’i morlo bach.


Yn ôl Sue Burton, Swyddog yr ACA ar gyfer Sir Benfro Forol “Rhaid cofio bod morloi bach
angen digonedd o ofod personol ag amser er mwyn gorffwys a thyfu. Dim ond am dair
wythnos yn unig caiff y morloi bach eu bwydo gan eu mamau cyn nes bydd yn rhaid iddynt
gofalu am eu hunain. Mae’n hanfodol felly yn ystod yr amser yma eu bod yn cael digonedd o
le heb ymyrraeth. Gall aflonyddu ar forloi arwain at eu marwolaeth”.


Mae’n bwysig iawn cofio bod y creaduriaid eiconig hyfryd yma yn anifeiliaid gwyllt.
Cadwch draw o fywyd gwyllt – Mwynhewch o bell

Continue Reading

Cymraeg

Meddygon teulu dal yma ar gyfer apwyntiadau wyneb yn wyneb

Published

on

Mae meddygon yn Sir Gaerfyrddin, Ceredigion a Sir Benfro yn atgoffa’u cleifion eu bod yn parhau i gynnig apwyntiadau wyneb yn wyneb i’r rhai sydd angen eu gweld.

Trwy gydol y pandemig, mae meddygfeydd wedi sicrhau bod gwasanaethau hanfodol yn parhau i redeg, gan ddefnyddio ffyrdd arloesol o gyfathrebu â’r cymunedau y maent yn eu gwasanaethu.

Erbyn hyn mae llawer o feddygfeydd yn parhau i ddefnyddio ymgynghoriadau ffôn a galwadau fideo lle y bo’n briodol; mae hyn yn rhoi rhyddid i lawer o gleifion siarad â gweithwyr gofal iechyd proffesiynol (nid o reidrwydd y meddyg teulu) yng nghysur a chyfleustra eu cartrefi eu hunain

Mae gan y rhan fwyaf o feddygfeydd systemau ar-lein megis E-Consult neu Ask My GP, lle gall cleifion ofyn cwestiwn llai brys am eu hiechyd. Gweler gwefan eich meddygfa am fwy o wybodaeth.

Mae Fy Iechyd Ar-lein yn parhau i fod yn opsiwn ar-lein 24/7 ar gyfer archebu presgripsiwn meddyginiaeth rheolaidd – mae wedi’i gynllunio i fod yn gyfleus i gleifion ac yn arbennig o ddefnyddiol i’r rhai sy’n hunan-ynysu neu’n gwarchod. Gall cleifion gofrestru ar gyfer hyn drwy eu meddygfa leol.

Mae system brysbennu dros y ffôn neu ar-lein ar waith yn y rhan fwyaf o  feddygfeydd i sicrhau bod cleifion yn siarad ag aelod clinigol o staff am eu hiechyd.

Os oes angen gweld claf wyneb yn wyneb, bydd y feddygfa’n gwneud apwyntiad â’r gweithiwr gofal iechyd proffesiynol mwyaf priodol i’w anghenion.

Dywedodd Dr Siôn James o Feddygfa Tregaron: “Hoffem atgoffa cleifion bod meddygfeydd teulu yn parhau i fod ar gael i chi. Pan fyddwch yn cysylltu â’ch meddygfa, byddwch yn siarad â’r person mwyaf addas ar gyfer eich cyflwr ac os bydd angen i’ch gweld wyneb yn wyneb, yna rhoddir apwyntiad i chi yn y feddygfa.

Gellir trin llawer o gyflyrau dros y ffôn gyda chyngor ac os oes angen, gellir rhoi presgripsiwn i fferyllfa o’ch dewis. Peidiwch ag osgoi ymofyn triniaeth.

Ar gyfer mân anhwylderau, cofiwch y gallai eich fferyllfa gymunedol helpu.”

Ychwanegodd Fferyllydd Cymunedol, Richard Evans: “Yn draddodiadol mae fferyllwyr Cymunedol wedi cynghori cleifion ar ystod eang o anhwylderau. Rydym bob amser yn argymell triniaethau addas i’r cleifion, neu os oes angen, eu cyfeirio at weithiwr gofal iechyd proffesiynol.

Yn ystod y pandemig hwn, gweinyddu presgripsiynau yw’r prif ffocws o hyd, ond mae gwasanaethau eraill ar gael, megis y Gwasanaeth Anhwylderau Cyffredin, Brysbennu a Thrin, cyflenwi meddyginiaethau mewn argyfwng a dulliau atal cenhedlu brys.

Gellir cael mynediad at y gwasanaethau hyn drwy ymgynghoriad dros y ffôn, gyda’r claf neu ofalwr/aelod o’r teulu yn casglu unrhyw feddyginiaeth angenrheidiol.

Cofiwch archebu unrhyw bresgripsiwn meddyginiaeth rheolaidd mewn pryd cyn i chi ei orffen.”

Yn ychwanegol at y wybodaeth arbenigol broffesiynol a gynigir mewn fferyllfeydd, bydd cleifion cymwys yn gallu derbyn eu brechlyn ffliw rhad ac am ddim yn y mwyafrif o’n fferyllfeydd cymunedol y gaeaf hwn. Am restr lawn o fferyllfeydd sy’n cymryd rhan, cliciwch yma https://biphdd.gig.cymru/gofal-iechyd/gwasanaethau-a-thimau/fferyllfa/brechiadau-y-ffliw-tymhorol/

I gael gwybod pa wasanaethau y mae eich fferyllfa gymunedol yn eu cynnig, ewch i: https://biphdd.gig.cymru/gofal-iechyd/gwasanaethau-a-thimau/fferyllfa/

Mae rheolau cadw pellter cymdeithasol yn parhau ar draws safleoedd gofal sylfaenol er diogelwch cleifion a staff. Bydd gweithwyr gofal iechyd proffesiynol sy’n gweld cleifion wyneb yn wyneb i asesu neu ddarparu triniaeth yn defnyddio’r cyfarpar diogelu personol priodol ac mae sgriniau ar waith mewn rhai cownteri a derbynfeydd

Cofiwch wisgo gorchudd wyneb pan ydych yn ymweld ag unrhyw leoliad gofal iechyd.

Continue Reading

Cymraeg

Lansio cystadleuaeth i enwi adeiladau porthladd hanesyddol

Published

on

Mae gan Ddoc Penfro hanes morwrol cyfoethog, gan ei bod yn dref filwrol ers 150 o
flynyddoedd. Heddiw, mae hen Ddociau’r Llynges Frenhinol yn borthladd masnachol
sydd â dyfodol cyffrous yn y diwydiant ynni adnewyddadwy.


Mae Porthladd Aberdaugleddau yn rhan allweddol o brosiect Ardal Forol Doc Penfro
Bargen Ddinesig Bae Abertawe gwerth £60 miliwn, a fydd yn darparu’r cyfleusterau,
y gwasanaethau a’r gofodau sydd eu hangen i sefydlu canolfan o’r radd flaenaf ar
gyfer ynni morol a pheirianneg. Fel rhan o hyn, mae angen adnewyddu pedwar
rhandy rhestredig Gradd II sy’n sownd yn siediau awyrennau Sunderland er mwyn
eu moderneiddio ar gyfer yr 21ain ganrif a’u cynnig fel gweithleoedd modern hyblyg.
Bydd y gwaith adeiladu’n dechrau ym mis Tachwedd 2021 ac yn ôl yr amserlen bydd
yn cael ei gwblhau erbyn mis Tachwedd 2022.


Heddiw, mae’r Porthladd yn lansio cystadleuaeth i enwi’r pedwar rhandy ac mae’n
gwahodd ceisiadau gan aelodau o’r gymuned. Awgrymir pedair thema: treftadaeth,
dyfodol adnewyddadwy, hanes morol a hanes cymdeithasol, ond croesewir pob
syniad.


Dywedodd Steve Edwards, Cyfarwyddwr Masnachol y Porthladd, “Mae Porthladd
Penfro yn llawn hanes ac rydyn ni am sicrhau ein bod yn cadw’r adeiladau hyn yn
ddiogel fel y gellir eu defnyddio yn y bennod gyffrous nesaf. Mae Ardal Forol Doc
Penfro yn cynnig cyfleoedd enfawr i’r dref yn ogystal â’r rhanbarth cyfan, felly mae’n
bwysig iawn ein bod yn creu llety dymunol fel y gall busnesau sefydlu eu hunain
yma. Rydyn ni am gynnwys y gymuned gyfan yn ein cynlluniau drwy wahodd enwau
cofiadwy gyda chefndir difyr er mwyn ategu’r datblygiadau.”
I gyflwyno eich awgrymiadau, ewch i i www.mhpa.co.uk/naming-competition erbyn
dydd Llun 18 Hydref.


Ariennir Ardal Forol Doc Penfro gan Fargen Ddinesig Bae Abertawe, Cronfa
Datblygu Rhanbarthol Ewrop drwy Lywodraeth Cymru, a thrwy fuddsoddiad preifat.

Continue Reading

HERALD SPECIAL REPORT

News10 hours ago

Unprecedented demand on health and social care services in local area

Joint statement by Hywel Dda University Health Board, the Welsh Ambulance Service NHS Trust, Pembrokeshire County Council, Carmarthenshire County Council...

News10 hours ago

Child taken to hospital following collision with car outside school

AN EARLY morning collision outside Ysgol Harri Tudor school, Pembroke, has seen a child taken to hospital. The collision happened...

News1 day ago

‘Exercise caution’ say police following altercation with man ‘living in woods’

POLICE are encouraging the public to ‘exercise caution’ whilst walking in Gwenarth Woods, Little Milford, after multiple reports of an...

News1 day ago

Souper day planned to spruce up Narberth

SEVERAL community groups have come together to plan another spruce up Narberth and to build on the town’s strong community...

Education1 day ago

We Swim Wild brings micro plastic research to the Pembrokeshire Coast

THE PILOT session of Pobl Dwr was filmed for an upcoming episode of ITV’s Coast and Country series with Sean...

News1 day ago

Keep your distance warning as Portuguese Man O’ Wars wash up

BEACH walkers are being advised to keep clear of Portuguese Man o’ Wars that are being reported washed ashore along...

News3 days ago

Garage fire spread to house in Neyland

FIRE CREWS from Haverfordwest, Milford Haven and Pembroke Dock were called to assist with a residential fire in Neyland on...

Health5 days ago

Former director of Withybush says ‘lives will be lost without urgent NHS shake-up’

PEOPLE will die unless there is an urgent shake-up of NHS care, a former emergency medicine director has warned. Dr...

Education5 days ago

County Councillors approve massive investment for Pembrokeshire schools

PEMBROKESHIRE COUNTY COUNCILLORS have this week recognised the need for further significant investment in local schools. The decision was taken...

News5 days ago

Welsh Conservatives pay tribute to murdered MP, Sir David Amess

THE WELSH CONSERVATIVES have released a statement following the murder of serving Member of Parliament, Sir David Amess on Friday...

Popular This Week