Connect with us
Advertisement
Advertisement

Cymraeg

Gyfres newydd Jonathan

Published

on

Yn edrych ymlaen at y Chwe Gwlad: Criw Jonathan

BLYNYDDOEDD o ganu gyda’i gitâr yng Nghlwb Rygbi Treorci oedd yr hyfforddiant perffaith ar gyfer cyfansoddwr preswyl cyfres Jonathan, Siôn Tomos Owen.

Ar drothwy Pencampwriaeth y 6 Gwlad NatWest 2018, bydd y gyfres boblogaidd, sy’n cael ei chyflwyno gan Jonathan Davies, Sarra Elgan a Nigel Owens yn dychwelyd i S4C bob nos Wener, o 2 Chwefror.

Bydd y gyfres yn llawn gwesteion difyr a gemau ychydig yn wahanol i’r arfer ond bydd y gŵr o’r Rhondda, Siôn Tomos Owen, yn edrych ar y bencampwriaeth o safbwynt cerddorol mewn cyfres o fideos doniol. Fe ddaeth y syniad ar ôl i Siôn ddangos ei ddoniau ar y gitâr wrth ymuno â Ieuan Evans fel gwestai ar y soffa mewn rhaglen dros yr haf y llynedd. Wrth ei glywed, fe wnaeth Nigel gymharu Siôn â’r cymeriad anfarwol Max Boyce.

Meddai Siôn, sydd hefyd yn un o gyflwynwyr y gyfres Cynefin ar S4C, “Cafodd yr eitem ymateb da. Dwi ‘di bod yn gwneud pethau ‘da’r gitâr yng nghlwb Treorci ers blynydde felly dyw e ddim byd newydd i fi. ‘Chi’n cael ymateb gwahanol pan ‘chi’n ‘neud e mewn stiwdio, ond wnes i fwynhau cael canu cân am y Treorci Zebras ar y teledu!

“Fi ‘di bod yn y gynulleidfa cwpl o weithie hefyd ar raglen Jonathan ond roedd e’n lot o hwyl bod ar yr ochr arall, yn eistedd wrth ymyl Ieuan Evans; roedd e’n eithaf swreal! Roedd e’n big deal jyst i ddweud wrth bobl bo fi’n mynd ar y rhaglen.

“Fi’n mynd mas a gwneud fideos cerddoriaeth yn y gyfres yma. Fi ‘di gwneud yr un gyntaf am y 6 Gwlad yn gyffredinol. Yr her yw trio cadw o fewn y ddwy funud, mae’n eitha’ tynn ffitio popeth mewn ac felly mae’n fwy o rap na chân a dweud y gwir!”

Bydd y gyfres newydd hefyd yn cynnwys eitemau gan Lisa Angharad fydd yn ein tywys ni i’r dinasoedd mae Cymru yn ymweld â nhw yn ystod ymgyrch y 6 Gwlad, ac mewn eitem o’r enw Caru Cymru, bydd cyn chwaraewyr Cymru, Ryan Jones, Ian Gough, Tom Shanklin a Shane Williams yn datgelu rhai o’r hanesion mwya’ difyr o’u cyfnod yn gwisgo’r crys coch.

Cymraeg

Effaith trist aflonyddu ar forloi a rhai bach ar arfordir Cymru

Published

on

Gyda mwy o bobl nag erioed yn ymweld â’r parth arfordirol yma yng Nghymru, mae
aflonyddu ar fywyd gwyllt ar gynnydd. Yn ddiweddar, cawsom newyddion trist fod morlo
bach wedi marw ar ôl i’w fam beidio â dychwelyd i’w fwydo yn dilyn achos o aflonyddu a
dychryn gan bobl oedd eisiau tynnu lluniau a ‘selfies’ gyda’r morlo bach.


Yn ystod y tymor magu (rhwng Awst a Rhagfyr) mae’n bosib dewch ar draws morloi bach
gwyn ar draethau neu ar greigiau ar arfordir Cymru – yn aml ar ben eu hunain. Serch hynny
maen debygol bydd y fam ger llaw, felly mae’n hanfodol cadw draw er mwyn iddi allu
ddychwelyd i fwydo’i morlo bach.


Yn ôl Sue Burton, Swyddog yr ACA ar gyfer Sir Benfro Forol “Rhaid cofio bod morloi bach
angen digonedd o ofod personol ag amser er mwyn gorffwys a thyfu. Dim ond am dair
wythnos yn unig caiff y morloi bach eu bwydo gan eu mamau cyn nes bydd yn rhaid iddynt
gofalu am eu hunain. Mae’n hanfodol felly yn ystod yr amser yma eu bod yn cael digonedd o
le heb ymyrraeth. Gall aflonyddu ar forloi arwain at eu marwolaeth”.


Mae’n bwysig iawn cofio bod y creaduriaid eiconig hyfryd yma yn anifeiliaid gwyllt.
Cadwch draw o fywyd gwyllt – Mwynhewch o bell

Continue Reading

Cymraeg

Meddygon teulu dal yma ar gyfer apwyntiadau wyneb yn wyneb

Published

on

Mae meddygon yn Sir Gaerfyrddin, Ceredigion a Sir Benfro yn atgoffa’u cleifion eu bod yn parhau i gynnig apwyntiadau wyneb yn wyneb i’r rhai sydd angen eu gweld.

Trwy gydol y pandemig, mae meddygfeydd wedi sicrhau bod gwasanaethau hanfodol yn parhau i redeg, gan ddefnyddio ffyrdd arloesol o gyfathrebu â’r cymunedau y maent yn eu gwasanaethu.

Erbyn hyn mae llawer o feddygfeydd yn parhau i ddefnyddio ymgynghoriadau ffôn a galwadau fideo lle y bo’n briodol; mae hyn yn rhoi rhyddid i lawer o gleifion siarad â gweithwyr gofal iechyd proffesiynol (nid o reidrwydd y meddyg teulu) yng nghysur a chyfleustra eu cartrefi eu hunain

Mae gan y rhan fwyaf o feddygfeydd systemau ar-lein megis E-Consult neu Ask My GP, lle gall cleifion ofyn cwestiwn llai brys am eu hiechyd. Gweler gwefan eich meddygfa am fwy o wybodaeth.

Mae Fy Iechyd Ar-lein yn parhau i fod yn opsiwn ar-lein 24/7 ar gyfer archebu presgripsiwn meddyginiaeth rheolaidd – mae wedi’i gynllunio i fod yn gyfleus i gleifion ac yn arbennig o ddefnyddiol i’r rhai sy’n hunan-ynysu neu’n gwarchod. Gall cleifion gofrestru ar gyfer hyn drwy eu meddygfa leol.

Mae system brysbennu dros y ffôn neu ar-lein ar waith yn y rhan fwyaf o  feddygfeydd i sicrhau bod cleifion yn siarad ag aelod clinigol o staff am eu hiechyd.

Os oes angen gweld claf wyneb yn wyneb, bydd y feddygfa’n gwneud apwyntiad â’r gweithiwr gofal iechyd proffesiynol mwyaf priodol i’w anghenion.

Dywedodd Dr Siôn James o Feddygfa Tregaron: “Hoffem atgoffa cleifion bod meddygfeydd teulu yn parhau i fod ar gael i chi. Pan fyddwch yn cysylltu â’ch meddygfa, byddwch yn siarad â’r person mwyaf addas ar gyfer eich cyflwr ac os bydd angen i’ch gweld wyneb yn wyneb, yna rhoddir apwyntiad i chi yn y feddygfa.

Gellir trin llawer o gyflyrau dros y ffôn gyda chyngor ac os oes angen, gellir rhoi presgripsiwn i fferyllfa o’ch dewis. Peidiwch ag osgoi ymofyn triniaeth.

Ar gyfer mân anhwylderau, cofiwch y gallai eich fferyllfa gymunedol helpu.”

Ychwanegodd Fferyllydd Cymunedol, Richard Evans: “Yn draddodiadol mae fferyllwyr Cymunedol wedi cynghori cleifion ar ystod eang o anhwylderau. Rydym bob amser yn argymell triniaethau addas i’r cleifion, neu os oes angen, eu cyfeirio at weithiwr gofal iechyd proffesiynol.

Yn ystod y pandemig hwn, gweinyddu presgripsiynau yw’r prif ffocws o hyd, ond mae gwasanaethau eraill ar gael, megis y Gwasanaeth Anhwylderau Cyffredin, Brysbennu a Thrin, cyflenwi meddyginiaethau mewn argyfwng a dulliau atal cenhedlu brys.

Gellir cael mynediad at y gwasanaethau hyn drwy ymgynghoriad dros y ffôn, gyda’r claf neu ofalwr/aelod o’r teulu yn casglu unrhyw feddyginiaeth angenrheidiol.

Cofiwch archebu unrhyw bresgripsiwn meddyginiaeth rheolaidd mewn pryd cyn i chi ei orffen.”

Yn ychwanegol at y wybodaeth arbenigol broffesiynol a gynigir mewn fferyllfeydd, bydd cleifion cymwys yn gallu derbyn eu brechlyn ffliw rhad ac am ddim yn y mwyafrif o’n fferyllfeydd cymunedol y gaeaf hwn. Am restr lawn o fferyllfeydd sy’n cymryd rhan, cliciwch yma https://biphdd.gig.cymru/gofal-iechyd/gwasanaethau-a-thimau/fferyllfa/brechiadau-y-ffliw-tymhorol/

I gael gwybod pa wasanaethau y mae eich fferyllfa gymunedol yn eu cynnig, ewch i: https://biphdd.gig.cymru/gofal-iechyd/gwasanaethau-a-thimau/fferyllfa/

Mae rheolau cadw pellter cymdeithasol yn parhau ar draws safleoedd gofal sylfaenol er diogelwch cleifion a staff. Bydd gweithwyr gofal iechyd proffesiynol sy’n gweld cleifion wyneb yn wyneb i asesu neu ddarparu triniaeth yn defnyddio’r cyfarpar diogelu personol priodol ac mae sgriniau ar waith mewn rhai cownteri a derbynfeydd

Cofiwch wisgo gorchudd wyneb pan ydych yn ymweld ag unrhyw leoliad gofal iechyd.

Continue Reading

Cymraeg

Lansio cystadleuaeth i enwi adeiladau porthladd hanesyddol

Published

on

Mae gan Ddoc Penfro hanes morwrol cyfoethog, gan ei bod yn dref filwrol ers 150 o
flynyddoedd. Heddiw, mae hen Ddociau’r Llynges Frenhinol yn borthladd masnachol
sydd â dyfodol cyffrous yn y diwydiant ynni adnewyddadwy.


Mae Porthladd Aberdaugleddau yn rhan allweddol o brosiect Ardal Forol Doc Penfro
Bargen Ddinesig Bae Abertawe gwerth £60 miliwn, a fydd yn darparu’r cyfleusterau,
y gwasanaethau a’r gofodau sydd eu hangen i sefydlu canolfan o’r radd flaenaf ar
gyfer ynni morol a pheirianneg. Fel rhan o hyn, mae angen adnewyddu pedwar
rhandy rhestredig Gradd II sy’n sownd yn siediau awyrennau Sunderland er mwyn
eu moderneiddio ar gyfer yr 21ain ganrif a’u cynnig fel gweithleoedd modern hyblyg.
Bydd y gwaith adeiladu’n dechrau ym mis Tachwedd 2021 ac yn ôl yr amserlen bydd
yn cael ei gwblhau erbyn mis Tachwedd 2022.


Heddiw, mae’r Porthladd yn lansio cystadleuaeth i enwi’r pedwar rhandy ac mae’n
gwahodd ceisiadau gan aelodau o’r gymuned. Awgrymir pedair thema: treftadaeth,
dyfodol adnewyddadwy, hanes morol a hanes cymdeithasol, ond croesewir pob
syniad.


Dywedodd Steve Edwards, Cyfarwyddwr Masnachol y Porthladd, “Mae Porthladd
Penfro yn llawn hanes ac rydyn ni am sicrhau ein bod yn cadw’r adeiladau hyn yn
ddiogel fel y gellir eu defnyddio yn y bennod gyffrous nesaf. Mae Ardal Forol Doc
Penfro yn cynnig cyfleoedd enfawr i’r dref yn ogystal â’r rhanbarth cyfan, felly mae’n
bwysig iawn ein bod yn creu llety dymunol fel y gall busnesau sefydlu eu hunain
yma. Rydyn ni am gynnwys y gymuned gyfan yn ein cynlluniau drwy wahodd enwau
cofiadwy gyda chefndir difyr er mwyn ategu’r datblygiadau.”
I gyflwyno eich awgrymiadau, ewch i i www.mhpa.co.uk/naming-competition erbyn
dydd Llun 18 Hydref.


Ariennir Ardal Forol Doc Penfro gan Fargen Ddinesig Bae Abertawe, Cronfa
Datblygu Rhanbarthol Ewrop drwy Lywodraeth Cymru, a thrwy fuddsoddiad preifat.

Continue Reading

News1 day ago

Wales completes move to alert level 0

THE MOVE completes the Welsh Government’s phased lifting of the alert level 2 protections, which were put in place on...

News2 days ago

‘Handyman’ took money from elderly victims but failed to do any work

A ‘HANDYMAN’ who took money from two elderly couples but never turned up to do any work has admitted a...

News2 days ago

Judge set to sentence Neyland man following horrific Castle Square attack

A 20-YEAR-OLD Neyland man has been sent to Swansea Crown Court for sentence after pleading guilty to a charge of...

News3 days ago

County Hall tribute for Holocaust Memorial Day

COUNTY HALL in Haverfordwest will be lit in purple on Thursday 27th January for Holocaust Memorial Day. Holocaust Memorial Day...

News3 days ago

Self-isolation period cut to five days in Wales

PEOPLE who test positive for Covid-19 will be able to leave self-isolation after five full days if they have two...

News4 days ago

Denial of Wales-specific Covid inquiry ‘no longer tenable’ say Welsh Conservatives

THE WELSH CONSERVATIVES have reiterated their call for an inquiry that focuses exclusively on the actions of the Welsh Government...

News5 days ago

Appeal following road traffic collision on Salutation Square, Haverfordwest

POLICE in Haverfordwest attended a road traffic collision which occurred at approximately 2.45pm today, Monday 24th January 2022, on Salutation...

News5 days ago

Pembroke Dock child rapist Stephen Bladen died whilst serving prison sentence

A PEMBROKE DOCK paedophile, jailed for 21 years for child rape and sexual assault, died last year whilst serving his...

Community5 days ago

Residents wanted to aid Newgale coastal adaptation project

PEMBROKESHIRE COUNTY COUNCIL is looking for people to get involved in the Newgale Coastal Adaptation scheme through a number of...

Entertainment5 days ago

BBC Wales Investigates: Death of Two Black Men: Police in the Spotlight

TONIGHT 24/1/22, 7.30pm, BBC One Wales THE FAMILIES of two men who died within weeks of each other after incidents...

Popular This Week