Connect with us
Advertisement
Advertisement

Cymraeg

‘Dylai holl ddisgyblion Cymru ddysgu’

Published

on

1MAE RHIENI yn Noc Penfro wedi cadarnhau canlyniadau arolw gan YouGov /Cymdeithas yr Iaith sydd yn dangos bod rhan fwyaf pobl Cymru eisiau gweld cwricwlwm addysg sy’n sicrhau bod pob disgybl yn gadael yr ysgol gyda’r gallu i gyfathrebu’n Gymraeg yn effeithiol Fel rhan o arolwg cenedlaethol mae 59% o bobl yn ardal y Canolbarth a’r Gorllewin, sydd yn cynnwys Sir Benfro, wedi ateb yn gadarnhaol i gwestiwn am sicrhau addysg Gymraeg i bawb yng Nghymru. Daw’r newyddion wrth i’r Athro Graham Donaldson baratoi adolygiad o’r cwricwlwm a fydd yn argymell newidiadau i Weinidogion Cymru ar droad y flwyddyn; ac wrth i Gyngor Sir Penfro drafod addysg Gymraeg yn y sir. Mewn clipiau fideo mae rhieni sydd wedi eu hamddifadu o addysg Gymraeg yn dweud iddyn nhw gael eu hamddifadu yn ddiwylliannol ac o ran cyfleoedd gwaith, a’u bod am sicrhau na fydd yr un peth yn wir i’w plant. Dywed un rhiant: “I would have had a broader scope of jobs, throughout Wales…. it would have broadend my horizons and I would have done a lot about with Welsh culture along the way.

I do feel like I missed out when i was in school that I didn’t learn Welsh as I would have gained a lot more from it…” Wrth sôn am ei haddysg Gymraeg mae un rhiant yn dweud: “We had a little bit and then we did a little bit of GCSE but I found it quite difficult because we didn’t do enough of it really and I ended up dropping Welsh and doing French GCSE which has been no use to me whatsoever… There isn’t enough Welsh provision in Pembrokeshire at the moment….so I’m a little bit worried about the future for them and I think there should be more emphasis on it…” Dywedodd Bethan Williams, Swyddog Maes Dyfed Cymdeithas yr Iaith: “Mae cyfle gan Gyngor Sir Benfro, maen nhw wedi ymgynghori gyda’r cyhoedd ynglŷn ag addysg Gymraeg ac wrthi’n llunio argymhellion – rydyn ni wedi dweud mai’r ffordd mlaen yw i ddechrau pob ysgol ar y daith tuag at ddod yn ysgol sydd yn addysgu drwy’r Gymraeg.

Dylai’r pôl piniwn hyn a’r clipiau fideo gan rieni atgyfnerthu’n barn.” Ychwanegodd Ffred Ffransis, llefarydd addysg y Gymdeithas : “Wrth i ni siarad â phobl ar draws y sbectrwm gwleidyddol, mae consensws bod y system addysg yn methu oherwydd hap a damwain daearyddol, eu sefyllfa ariannol, neu ddewis rhieni. Yr her i’r Athro Donaldson a Llywodraeth Cymru yw gweithredu yn ôl ewyllys y bobl i sicrhau bod y system yn cyflawni ar gyfer pob un plentyn, nid y rhai ffodus yn unig. Does dim lle bellach i’r Athro Donaldson fod dan unrhyw gamargraff am farn pobl Cymru, a does dim esgus i’r llywodraeth ohirio gweithredu.”Wrth sôn am ei haddysg Gymraeg mae un rhiant yn dweud: “We had a little bit and then we did a little bit of GCSE but I found it quite difficult because we didn’t do enough of it really and I ended up dropping Welsh and doing French GCSE which has been no use to me whatsoever… There isn’t enough Welsh provision in Pembrokeshire at the moment….so I’m a little bit worried about the future for them and I think there should be more emphasis on it…”

Dywedodd Bethan Williams, Swyddog Maes Dyfed Cymdeithas yr Iaith: “Mae cyfle gan Gyngor Sir Benfro, maen nhw wedi ymgynghori gyda’r cyhoedd ynglŷn ag addysg Gymraeg ac wrthi’n llunio argymhellion – rydyn ni wedi dweud mai’r ffordd mlaen yw i ddechrau pob ysgol ar y daith tuag at ddod yn ysgol sydd yn addysgu drwy’r Gymraeg. Dylai’r pôl piniwn hyn a’r clipiau fideo gan rieni atgyfnerthu’n barn.” Ychwanegodd Ffred Ffransis, llefarydd addysg y Gymdeithas : “Wrth i ni siarad â phobl ar draws y sbectrwm gwleidyddol, mae consensws bod y system addysg yn methu oherwydd hap a damwain daearyddol, eu sefyllfa ariannol, neu ddewis rhieni. Yr her i’r Athro Donaldson a Llywodraeth Cymru yw gweithredu yn ôl ewyllys y bobl i sicrhau bod y system yn cyflawni ar gyfer pob un plentyn, nid y rhai ffodus yn unig. Does dim lle bellach i’r Athro Donaldson fod dan unrhyw gamargraff am farn pobl Cymru, a does dim esgus i’r llywodraeth ohirio gweithredu.”

Continue Reading
Click to comment

Leave a Reply

Your email address will not be published.

Cymraeg

Effaith trist aflonyddu ar forloi a rhai bach ar arfordir Cymru

Published

on

Gyda mwy o bobl nag erioed yn ymweld â’r parth arfordirol yma yng Nghymru, mae
aflonyddu ar fywyd gwyllt ar gynnydd. Yn ddiweddar, cawsom newyddion trist fod morlo
bach wedi marw ar ôl i’w fam beidio â dychwelyd i’w fwydo yn dilyn achos o aflonyddu a
dychryn gan bobl oedd eisiau tynnu lluniau a ‘selfies’ gyda’r morlo bach.


Yn ystod y tymor magu (rhwng Awst a Rhagfyr) mae’n bosib dewch ar draws morloi bach
gwyn ar draethau neu ar greigiau ar arfordir Cymru – yn aml ar ben eu hunain. Serch hynny
maen debygol bydd y fam ger llaw, felly mae’n hanfodol cadw draw er mwyn iddi allu
ddychwelyd i fwydo’i morlo bach.


Yn ôl Sue Burton, Swyddog yr ACA ar gyfer Sir Benfro Forol “Rhaid cofio bod morloi bach
angen digonedd o ofod personol ag amser er mwyn gorffwys a thyfu. Dim ond am dair
wythnos yn unig caiff y morloi bach eu bwydo gan eu mamau cyn nes bydd yn rhaid iddynt
gofalu am eu hunain. Mae’n hanfodol felly yn ystod yr amser yma eu bod yn cael digonedd o
le heb ymyrraeth. Gall aflonyddu ar forloi arwain at eu marwolaeth”.


Mae’n bwysig iawn cofio bod y creaduriaid eiconig hyfryd yma yn anifeiliaid gwyllt.
Cadwch draw o fywyd gwyllt – Mwynhewch o bell

Continue Reading

Cymraeg

Meddygon teulu dal yma ar gyfer apwyntiadau wyneb yn wyneb

Published

on

Mae meddygon yn Sir Gaerfyrddin, Ceredigion a Sir Benfro yn atgoffa’u cleifion eu bod yn parhau i gynnig apwyntiadau wyneb yn wyneb i’r rhai sydd angen eu gweld.

Trwy gydol y pandemig, mae meddygfeydd wedi sicrhau bod gwasanaethau hanfodol yn parhau i redeg, gan ddefnyddio ffyrdd arloesol o gyfathrebu â’r cymunedau y maent yn eu gwasanaethu.

Erbyn hyn mae llawer o feddygfeydd yn parhau i ddefnyddio ymgynghoriadau ffôn a galwadau fideo lle y bo’n briodol; mae hyn yn rhoi rhyddid i lawer o gleifion siarad â gweithwyr gofal iechyd proffesiynol (nid o reidrwydd y meddyg teulu) yng nghysur a chyfleustra eu cartrefi eu hunain

Mae gan y rhan fwyaf o feddygfeydd systemau ar-lein megis E-Consult neu Ask My GP, lle gall cleifion ofyn cwestiwn llai brys am eu hiechyd. Gweler gwefan eich meddygfa am fwy o wybodaeth.

Mae Fy Iechyd Ar-lein yn parhau i fod yn opsiwn ar-lein 24/7 ar gyfer archebu presgripsiwn meddyginiaeth rheolaidd – mae wedi’i gynllunio i fod yn gyfleus i gleifion ac yn arbennig o ddefnyddiol i’r rhai sy’n hunan-ynysu neu’n gwarchod. Gall cleifion gofrestru ar gyfer hyn drwy eu meddygfa leol.

Mae system brysbennu dros y ffôn neu ar-lein ar waith yn y rhan fwyaf o  feddygfeydd i sicrhau bod cleifion yn siarad ag aelod clinigol o staff am eu hiechyd.

Os oes angen gweld claf wyneb yn wyneb, bydd y feddygfa’n gwneud apwyntiad â’r gweithiwr gofal iechyd proffesiynol mwyaf priodol i’w anghenion.

Dywedodd Dr Siôn James o Feddygfa Tregaron: “Hoffem atgoffa cleifion bod meddygfeydd teulu yn parhau i fod ar gael i chi. Pan fyddwch yn cysylltu â’ch meddygfa, byddwch yn siarad â’r person mwyaf addas ar gyfer eich cyflwr ac os bydd angen i’ch gweld wyneb yn wyneb, yna rhoddir apwyntiad i chi yn y feddygfa.

Gellir trin llawer o gyflyrau dros y ffôn gyda chyngor ac os oes angen, gellir rhoi presgripsiwn i fferyllfa o’ch dewis. Peidiwch ag osgoi ymofyn triniaeth.

Ar gyfer mân anhwylderau, cofiwch y gallai eich fferyllfa gymunedol helpu.”

Ychwanegodd Fferyllydd Cymunedol, Richard Evans: “Yn draddodiadol mae fferyllwyr Cymunedol wedi cynghori cleifion ar ystod eang o anhwylderau. Rydym bob amser yn argymell triniaethau addas i’r cleifion, neu os oes angen, eu cyfeirio at weithiwr gofal iechyd proffesiynol.

Yn ystod y pandemig hwn, gweinyddu presgripsiynau yw’r prif ffocws o hyd, ond mae gwasanaethau eraill ar gael, megis y Gwasanaeth Anhwylderau Cyffredin, Brysbennu a Thrin, cyflenwi meddyginiaethau mewn argyfwng a dulliau atal cenhedlu brys.

Gellir cael mynediad at y gwasanaethau hyn drwy ymgynghoriad dros y ffôn, gyda’r claf neu ofalwr/aelod o’r teulu yn casglu unrhyw feddyginiaeth angenrheidiol.

Cofiwch archebu unrhyw bresgripsiwn meddyginiaeth rheolaidd mewn pryd cyn i chi ei orffen.”

Yn ychwanegol at y wybodaeth arbenigol broffesiynol a gynigir mewn fferyllfeydd, bydd cleifion cymwys yn gallu derbyn eu brechlyn ffliw rhad ac am ddim yn y mwyafrif o’n fferyllfeydd cymunedol y gaeaf hwn. Am restr lawn o fferyllfeydd sy’n cymryd rhan, cliciwch yma https://biphdd.gig.cymru/gofal-iechyd/gwasanaethau-a-thimau/fferyllfa/brechiadau-y-ffliw-tymhorol/

I gael gwybod pa wasanaethau y mae eich fferyllfa gymunedol yn eu cynnig, ewch i: https://biphdd.gig.cymru/gofal-iechyd/gwasanaethau-a-thimau/fferyllfa/

Mae rheolau cadw pellter cymdeithasol yn parhau ar draws safleoedd gofal sylfaenol er diogelwch cleifion a staff. Bydd gweithwyr gofal iechyd proffesiynol sy’n gweld cleifion wyneb yn wyneb i asesu neu ddarparu triniaeth yn defnyddio’r cyfarpar diogelu personol priodol ac mae sgriniau ar waith mewn rhai cownteri a derbynfeydd

Cofiwch wisgo gorchudd wyneb pan ydych yn ymweld ag unrhyw leoliad gofal iechyd.

Continue Reading

Cymraeg

Lansio cystadleuaeth i enwi adeiladau porthladd hanesyddol

Published

on

Mae gan Ddoc Penfro hanes morwrol cyfoethog, gan ei bod yn dref filwrol ers 150 o
flynyddoedd. Heddiw, mae hen Ddociau’r Llynges Frenhinol yn borthladd masnachol
sydd â dyfodol cyffrous yn y diwydiant ynni adnewyddadwy.


Mae Porthladd Aberdaugleddau yn rhan allweddol o brosiect Ardal Forol Doc Penfro
Bargen Ddinesig Bae Abertawe gwerth £60 miliwn, a fydd yn darparu’r cyfleusterau,
y gwasanaethau a’r gofodau sydd eu hangen i sefydlu canolfan o’r radd flaenaf ar
gyfer ynni morol a pheirianneg. Fel rhan o hyn, mae angen adnewyddu pedwar
rhandy rhestredig Gradd II sy’n sownd yn siediau awyrennau Sunderland er mwyn
eu moderneiddio ar gyfer yr 21ain ganrif a’u cynnig fel gweithleoedd modern hyblyg.
Bydd y gwaith adeiladu’n dechrau ym mis Tachwedd 2021 ac yn ôl yr amserlen bydd
yn cael ei gwblhau erbyn mis Tachwedd 2022.


Heddiw, mae’r Porthladd yn lansio cystadleuaeth i enwi’r pedwar rhandy ac mae’n
gwahodd ceisiadau gan aelodau o’r gymuned. Awgrymir pedair thema: treftadaeth,
dyfodol adnewyddadwy, hanes morol a hanes cymdeithasol, ond croesewir pob
syniad.


Dywedodd Steve Edwards, Cyfarwyddwr Masnachol y Porthladd, “Mae Porthladd
Penfro yn llawn hanes ac rydyn ni am sicrhau ein bod yn cadw’r adeiladau hyn yn
ddiogel fel y gellir eu defnyddio yn y bennod gyffrous nesaf. Mae Ardal Forol Doc
Penfro yn cynnig cyfleoedd enfawr i’r dref yn ogystal â’r rhanbarth cyfan, felly mae’n
bwysig iawn ein bod yn creu llety dymunol fel y gall busnesau sefydlu eu hunain
yma. Rydyn ni am gynnwys y gymuned gyfan yn ein cynlluniau drwy wahodd enwau
cofiadwy gyda chefndir difyr er mwyn ategu’r datblygiadau.”
I gyflwyno eich awgrymiadau, ewch i i www.mhpa.co.uk/naming-competition erbyn
dydd Llun 18 Hydref.


Ariennir Ardal Forol Doc Penfro gan Fargen Ddinesig Bae Abertawe, Cronfa
Datblygu Rhanbarthol Ewrop drwy Lywodraeth Cymru, a thrwy fuddsoddiad preifat.

Continue Reading

HERALD SPECIAL REPORT

News6 hours ago

Unprecedented demand on health and social care services in local area

Joint statement by Hywel Dda University Health Board, the Welsh Ambulance Service NHS Trust, Pembrokeshire County Council, Carmarthenshire County Council...

News6 hours ago

Child taken to hospital following collision with car outside school

AN EARLY morning collision outside Ysgol Harri Tudor school, Pembroke, has seen a child taken to hospital. The collision happened...

News1 day ago

‘Exercise caution’ say police following altercation with man ‘living in woods’

POLICE are encouraging the public to ‘exercise caution’ whilst walking in Gwenarth Woods, Little Milford, after multiple reports of an...

News1 day ago

Souper day planned to spruce up Narberth

SEVERAL community groups have come together to plan another spruce up Narberth and to build on the town’s strong community...

Education1 day ago

We Swim Wild brings micro plastic research to the Pembrokeshire Coast

THE PILOT session of Pobl Dwr was filmed for an upcoming episode of ITV’s Coast and Country series with Sean...

News1 day ago

Keep your distance warning as Portuguese Man O’ Wars wash up

BEACH walkers are being advised to keep clear of Portuguese Man o’ Wars that are being reported washed ashore along...

News3 days ago

Garage fire spread to house in Neyland

FIRE CREWS from Haverfordwest, Milford Haven and Pembroke Dock were called to assist with a residential fire in Neyland on...

Health5 days ago

Former director of Withybush says ‘lives will be lost without urgent NHS shake-up’

PEOPLE will die unless there is an urgent shake-up of NHS care, a former emergency medicine director has warned. Dr...

Education5 days ago

County Councillors approve massive investment for Pembrokeshire schools

PEMBROKESHIRE COUNTY COUNCILLORS have this week recognised the need for further significant investment in local schools. The decision was taken...

News5 days ago

Welsh Conservatives pay tribute to murdered MP, Sir David Amess

THE WELSH CONSERVATIVES have released a statement following the murder of serving Member of Parliament, Sir David Amess on Friday...

Popular This Week